ஏதேதோ எண்ணங்கள்எதிர்பாரா ஏக்கங்கள்
என்னோடு என்னோடு...
பொய்யான கோபங்கள்
பூப்பூக்கும் வெட்கங்கள்
கொண்டேனே உன்னோடு....
சரிதான பிழைதான
எப்போதும் உன் தாக்கம்..
நீ தானா நான் ஆனேன்
பறிபோச்சே என் தூக்கம்...
உனக்கென்ன பேரழகே
உனை வெறுக்க யாரிங்கே..
நீ தூரம் போன ஒரு நிலவு
எரிகிறதே என் கனவு..
எப்போதும் புன்சிரிப்பு
எல்லாமே விளையாட்டு..
என் வாழ்க்கை
ஒரு மைதானமா உனக்கு??
பூக்களிருக்கு பூமி சிரிக்க
நீ இல்லையே நான் உயிர்க்க..
கனவிருக்கு சேர்ந்து நடக்க
பாதை இல்லையே நாம் கடக்க...
வண்ணமெனவே வந்துவிட்டாய்
என் வெள்ளைத்தாளை நிரப்பிவிட்டாய்
வெறுமைகளை விரட்டிவிட்டாய்
இன்று ஏனோ
மறந்துவிட்டாய்...
என்னை நீயும்
துரந்துவிட்டாய்....
இதயத்தை கொடுத்துவிட்டேன்
இருந்ததெல்லாம் இழந்துவிட்டேன்
இனி ஒரு முறை
சந்திக்க நேரும்
அன்று வரை
வைத்திரு உன் உள்ளங்கையில்
நான் திணித்து அனுப்பிய
என் உயிரை...
No comments:
Post a Comment